აინშტაინი ამბობდა, თამაში კვლევის უმაღლესი ფორმააო. მართლაც, თამაში საუკეთესო გზაა ბავშვისთვის სწავლის, შემეცნების დასაწყებად. ბავშვებს უყვართ ძიება და ახლის შესწავლა ძალიან ადრეული ასაკიდანვე. როგორც მშობლები, მუდმივად ვავსებთ სახლს სათამაშოებით, რომლებიც ჩვენს პატარებს მოსწონთ, მაგრამ იცოდით, რომ საგანმანათლებლო სათამაშოები ბავშვს ინტელექტსა და მოტორულ უნარებს უყალიბებს?
ფაზლები, ასაწყობი სათამაშოები არის ერთ–ერთი საუკეთესო განმავითარებელი სათამაშოები, რომლებიც უყალიბებს თქვენს შვილებს შემოქმედებისა და პრობლემების გადაჭრის უნარებს. ასაწყობი სათამაშოები მეტად აღრმავებს ბავშვებში პიროვნებასა და საკომუნიკაციო უნარებს. ასეთი სათამაშოს საუკეთესო მაგალითია „ასაწყობი ცხოველები“. მისი დახმარებით ბავშვი სწავლობს ფერებსა და ცხოველებს, ასევე ჩართულია შენებისა და ბალანსის დაცვის პროცესში.
https://chita.ge/?s=%E1%83%A4%E1%83%90%E1%83%96%E1%83%94%E1%83%9A%E1%83%98+&post_type=product&dgwt_wcas=1
როდესაც ბავშვი ასაწყობი კუბებით თამაშობს და აგებს შენობას, მაგრამ არ ითვალისწინებს ბალანსს, მისი აშენებული ინგრევა, შედეგად ბავშვი სწავლობს შეცდომასა და შედეგზე დაკვირვებით. აქტივობებისას ბავშვის მთელი ენერგია და ყურადღება მომართულია ამოცანის გადაჭრისაკენ, რაც უზრუნველყოფს შემდეგში მისი გონების განვითარებას და პრობლემების გადაჭრის უნარების გაღრმავებას.
კუბებისგან ბავშვმა შეიძლება ააწყოს კოშკი, მანქანა, გემი… გარდა ამისა, ასეთი სათამაშოები ასწავლის პატარას ფორმის, ზომის, ფერის შეცნობას. ისინი შესანიშნავი ტრენაჟორებია წვრილი მოტორიკის, აზროვნების, წარმოსახვის განვითარებისთვის. ფაზლები და კონსტრუქტორები ხელს უწყობს ანალიზის, სინთეზის, განზოგადების, მოზაიკა კი ყურადღების კონცენტრაციის უნარის განვითარებას.
https://chita.ge/product-category/14
კონსტრუქციების ან თავსატეხის აწყობა რამდენიმე მიზეზის გამოა სასარგებლო:
- აფართოებს თვალსაწიერს;
- გამოუმუშავებს ბავშვს დაკვირვების უნარს – მისი აწყობისას ხომ უმცირესი დეტალების შემჩნევაა საჭირო;
- გამოუმუშავებს ჩვევას, აქეთ-იქით არ მიმოფანტოს ნივთები – სურათის ან კონსტრუქციის ასაწყობად ხომ ყველა დეტალი აუცილებელია;
- ხვეწს ხელის მოძრაობას, რაც აუცილებელია სკოლამდელი ბავშვის საერთო განვითარებისათვის;
- ხელს უწყობს ხატოვანი აზროვნების განვითარებას;
- ამშვიდებს ნერვულ სისტემას, ავითარებს მოთმინების უნარს, ნებისყოფას, კონცენტრირების უნარს. ეს თვისებები პატარას სკოლაში ძალზე გამოადგება.
- მშობლებს საშუალებას მოგცემთ, დროულად შეამჩნიოთ, ხომ არ უჭირს თქვენს შვილს ფერებისა და ფორმების გარჩევა.