ბავშვი, თამაში და სათამაშო განუყოფელი ცნებებია. ბავშვის ცხოვრება სათამაშოს გარეშე წარმოუდგენელია. თამაში ხელს უწყობს კოგნიტური, მოტორული, ფქსიქოსოციალური, ემოციური და ლინგვისტური უნარების განვითარებას. სკოლამდელ ასაკში ქცევის წამყვანი ფორმა თამაშია, რაც იმას ნიშნავს, რომ ამ ასაკში ბავშვის განვითარება სწორედ თამაშის პროცესში ხდება, თამაში კი სათამაშოსაც მოიაზრებს. სათამაშო, გარდა კარგი გასართობისა, ბავშვისათვის ფსიქიკური განვითარების უმნიშვნელოვანესი საშუალებაა.
ბავშვი სამყაროსთან კონტაქტს სათამაშოს მეშვეობით ამყარებს. ბავშვის ასაკობრივი და ინდივიდუალური თავისებურებების გათვალისწინებით შერჩეული სათამაშო არა მხოლოდ გონებრივ და ინტელექტუალურ, არამედ ფიზიკურ, ემოციურ, პიროვნულ და სოციალურ განვითარებასაც უწყობს ხელს.
საჩხაკუნო სათამაშოები მნიშვნელოვან როლს ასრულებს ბავშვების განვითარების საწყის ეტაპზე. ავითარებს მოტორიკას, ფერებისა და ხმების აღქმის უნარს. ასწავლის ორივე ხელის კოორდინირებულ მოძრაობას და აუმჯობესებს კონცენტრაციის უნარს.
მულტფიფუნქციური საბავშვო ვოლქერები – ეხმარება პატარებს პირველი ნაბიჯების გადადგმაში.
პირამიდები ხელს უწყობს გონებრივ განვითარებას, აუმჯობესებს ფერებისა და ფორმების აღქმის უნარს.
ხის სათამაშოები ავითარებს ფერების აღქმისა და ვიზუალიზაციის უნარს, ხელის კუნთოვან სისტემასა და მოტორიკას.
მუსიკალური სათამაშოები ხელს უწყობს ბავშვის სმენისა და ვიზუალური შეგრძნებების განვითარებას.
